Trepça shënon fitoren e pestë me radhë në elitën e basketbollit kosovar

20:54 | 10 Dhjetor 2023
D.H

Trepça ka arritur të shënoj fitoren e pestë radhazi në Superligën e Kosovës në Basketboll ndaj Proton Cable Prizrenit.

“Xehetarët” shënuan fitore me rezultat 104-76, shkruan Arbresh.info.

Lojtarët më të mirë për minatorët në këtë ndeshja ishin tandem Edge-Hajrizi, ku i pari arriti të shënoj 24 pikë dhe të dhuroj 7 asistime e pesë kërcime, ndërsa Hajrizi shënoi 22 pikë, arriti 13 kërcime dhe shtoi gjashtë asistime.

Kurse për mysafirët më i miri ishte Arti Hajdari i cili debutoi me prizrenasit, pas rikthimit pas dy sezoneve me 25 pikë.

Lojë të mirë bëri edhe ish lojtari i Trepçës, Ty Cockfield që shënoi 15 pikë.

Pas kësaj fitore Trepça bëhet skuadra e parë që arrin 10 fitore në elite, pas 12 ndeshjeve ka edhe dy humbje dhe kryeson tabelën.

Ndërsa Prizreni ka katër fitore e tetë humbje.

Ndeshjen e radhës minatorët e luajnë ndaj Bashkimit, kurse Prizreni e luan ndaj Yllit./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm